Nuna rueda de prensa celebrada, ayer miércoles 18 de marzu, tres un conceyu cola Xunta pola Defensa de la Llingua Asturiana (XDLA), representada por Carlos Pulgar y Damián Barreiro, Equo Asturies ratificó’l so compromisu pa cola llingua asturiana.
En la rueda de prensa tuvieren presentes Azulina Llano y Nacho González covoceros de EQUO Asturies.
“N’Equo defendendemos ensin ambigüedaes la cooficialidá del asturianu”, afirmó González.
“Nós tenémoslo nidio dende hai tiempu; tenémoslo aprobao nos documentos correspondientes al traviés de les reuniones y grupos de trabayu que fiximos mientres too esti periodu”, continuó González, que considera que la llingua asturiana “necesita una reforma del Estatutu d’Autonomía pa da-y el derechu a la ciudadanía asturiana de poder deprendela, poder usala y entendela”.
«Tamos nun tiempu políticu nuevu onde toca moyase pol asturianu”, insistió’l covoceru d’Equo, consciente de que les polítiques desendolcaes hasta agora nun son suficientes, sobre manera no que respeuta a la estaya educativa.
Tal y como afirma el nuesu covoceru, EQUO Asturies tien en sos estatutos la oficialidá de la llingua y de la fala, ca una en so ambitu, col so reconocimientu expresu nel estatutu, como llingues cooficiales.
Chus dice
Es una genial noticia. El asturiano vive ahora mismo en los años 70 en Asturias (y en los 60 en León, en los 50 en Cantabria y no hablemos el Extremeñu).
Espero que un vuelco en la política le dé a esta lengua la oficialidad que merece y espero que tengáis en cuenta al gallego entre el Eo y el Navia.
Un saludín